OLOF PALME BI SEMÎNEREK JI ALIYÊ KOMKAR-SWÊD VE HATE BIBÎRANÎN
KOMKAR-Swêd, di roja 28 meha Sibatê, saet li dora 13:30 da serdana Qebra Olof Palme kir û sepeta gulan danî ser qebra wî.
Palme, êvarê jî li hola Kitêbxaneya Kurdî da bi semînerek ji layê nivîskar /dîrokzan Henrîk Berggren û mamoste/ werger Vîldan Tanrikulu ve, bi beşdarîya gelek siyasetmedar û rewşenbîrên Kurd û Swêdî ve hat bibîranîn.
Civîn ji aliyê Seyran Yildiz Amedî ve bi deqeyek rêzgirtin ji bo Olof Palme û hemû şehîdên aşîtiyê û azadîyê ve hat vekirin.
Berê ku semînervan gotarên xwe pêşkeş bikin Kovan Amedî, serokê Konfederasyona Komeleyên Kurdistanê li Ewrûpayê, KOMKAR.eu yê, li ser mebesta bibîranîna Olof Palme axaftinek kurt pêşkeş kir.
Amedî dîyar kir ku;
”Piştgiriya Olof Palme ya navdewletî, bi taybetî piştgirî û dostayetiya wî ya ji bo Kurdan bi girîngî dinirxîne.
KOMKAR dixwaze bide nîşandan ku Kurd dostê dostê xwe ne. Rêzgirtinek mezin dide dostayetî û piştgiriya dostên Kurdan.
”Îro me bi dostek wek Olof Palme dest pê kir. Lê em dizanin ku di nav partiyên Swêdî da gelek dostên me yên din jî hebûn û henin. Wezîra derve ya kevn Anna Lindh, Ji partiya Çep wek parlamenter Oswald Soderkvist û CH Hermansson, nuha jî wezîra derve ya Swêdê Liberal parlamenter Maria Leissner û Fredrik Malm, ji Partiya Moderata
Ann Linde, parlameter Tomas Hammarberg, ji Partiya
Margareta Cederfelt û her wisa di nav
hunermendên Swêdî da jî gelek dostên kurdan henin. Ji ber piştgiriya wan ji bo kurdan,
em spasiya wan jî dikin. ”
Nivîskar û dîrokzan Henrîk Berggren, bi awayek gelek fireh behsa jiyana Palme ya civakî,
siyasî û her usa behsa siyaseta wî ya netewî û navnetewî, piştgiriya wî ya ji bo gelên
bindest kir. Hêjayî behskirinêye ku Henrîk Berggren nivîskarê pirtûka bîyagrafî ya 800
rûpelî ya Olof Palmeyê ye.
Piştî çend pirs û bersîvan mamoste û werger Vîldan Tanrikulu li ser ”Olof Palme, ji bo
Kurdan tê çi wateyê?” Bi hûrgilî behskir.
Tanrikulu, di axaftina xwe de dîyar kir ku ”eger mirov Olof Palme nas neke û nizanibe ku
Olof Palme ji bo kîjan nirx û hêjahîyên fikrî û pratîk ya navneteweyî kar kirîye dê mirov
nikaribe wate û piştgirîya Olof Palme ji bo gekê Kurd û doza wî fahm bike. Olof Palme ev
piştgirîya xwe bi nivîskar o rojnamevanê Kurd Mahmut Baksî re di hevpevîna xwe ya
meha Tebax a 1980yan de bi zimanek vekirî dîyar kirîye. Olof Palme û telebeyên wî yên
mîna Anna Lîndh, Ingvar Carlsson û gelekên din di rêya Olof Palme de bûne piştgir û
alîkarê doza azadî ya gelê Kurd.”
Semînervan û gelek ji beşdaran, ji bo amadekarya vê çalakiyê spasiyên xwe pêşkeşî
[sgdg path=”OLOF PALME BI SEMÎNEREK JI ALIYÊ KOMKAR-SWÊD VE HATE BIBÎRANÎN”]
