Di 22.03.2025an de li Kantona Lausanne ya Swîsreyê pîrozbahiyên Newrozê hatin lidarxistin. Cejna Newrozê ku ji sala 2006’an û vir ve li qada vekirî tê pîrozkirin, weke her sal îsal jî gelek bi coş derbas bû.
Li Lozanê Şahiya Newrozê Dilê Kurdan Xweş û Dilê wan
Geş kir
Baran Dîcle
Di 22.03.2025an de li Kantona Lausanne ya Swîsreyê pîrozbahiyên Newrozê hatin lidarxistin. Cejna Newrozê ku ji sala 2006’an û vir ve li qada vekirî tê pîrozkirin, weke her sal îsal jî gelek bi coş derbas bû.
Pîrozbahiya Newrozê ya ku Kurdistaniyên ji çar parçeyan, bi cil û bergên xwe yên gelerî tevlî bûn, saet di 18:00 de li Meydan Ouchy ya li qeraxa Gola Leman a Kantona Lozanê destpê kir. Pêşî bi strana “Ey Raqîp” a koma muzîkê ya Aşti Vereîn ve dest pê kir. Pishtre li ser navê Komîteya Amadekar a Newroza Lozanê Rahîm Mihemedî axaftinek kurt kir. Di axaftina xwe de diyar kir ku wan bi nûnerên partiyên PDK-Iraq, PDK-Îran, PDK-Sûriye û PSK’ê ku li ser banga Komkarê ji bo pîrozkirina cejna netewî ya gelê Kurd Newrozê li hev civiyan, komîteyek amedekar ava kirin û got: “Armanca me ew bû ku gelê me yê çar parçeyên Kurdistanê bicivînin û cejna xwe ya netewî bi coş pîroz bikin.
Li dû Rahîm Muhammedî li ser navê Komkarê Bavê Bengîn jî axaftinek kir. Bavê Bengîn di axaftina xwe de got ku pîrozbahiya bi coş a Newrozê ya li qada vekirî ya ku ev 20 sal in dewam dikin, ji bo xebatên paşerojê zêdetir moral û hêzê dide me û em bi vê motîvasyoneke xurttir xwe ji bo xebatên pêşerojê amade dikin. Pishtî axaftina Bave Bengîn, endamê Majlîsa Şaredariya Renens Omar Niang û Senatorê SP’ê yê Genevayê û Hevserokê Komîteya Pishtgiriya bi Gelên Bindestan re ya Parlamentoya Swîsreyê Carlos Samaruga jî axaftin kirin û kêfxweşiya xwe anîn ziman ku bi Kurdan re atmosfereke bi vî rengî distînin.
Serokê PSKê Bayram Bozyel û Serokê Rewende Kurdistanî Îsmaîl Kamil, PDK-Iraq, PDK-Îran, PDK-Sûriye jî bi şandina peyamên nivîskî piştgirî dan pîrozbahiya Newrozê.
Pishtî axaftinan, hunermend Ares Xerîb û Dilovan Darî derketin ser dikê. Girseya gel li ber stranên kurdî yên gelêrî û şoreşgerî govend gerandin.
Li dû stran û govendên bi coş, Nûnerê Hikûmeta Kurdistanê li Swîsre Dr. Fauzi Kaddur jî li ser navê hikûmeta Kurdistanê silav li gel kir û kêfxweşiya xwe ji bo beşdarbûna di ahengeke wiha de nîşan da.
Dema hunermendê hêja Hasan Şerîf derket ser dikê, xelkê bi coş û kêfxweşîyek mezin pêşîwazî lê kir. Ji aliyek Hesen Şerîf stranên folklorî digot, ji aliyên din ve jî agirê Newrozê, ji aliyê nûnerê hikûmeta Kurdistanê Dr. Fauzi Kaddur û nûnerê Komkar Lozanê Alî û Huseyn ve hate pêxistin.
Pîrozbahiya Newrozê, bi beşdariya nêzî 5000 kesan û bi pêxistina agirê Newrozê ve heta derengiya şevê bi kêf û coşek mezin berdewam kir.