Di çapemenî û medyaya civakî de tê xuyakirin ku êrîş û komkujî ji alîyê komên tundrew ên îslamî ve li dijî Elewiyên ku li wargehên wek Lazkîye û peravên Sûriyê dijîn pêk tên û di van êrîşan de bi sedan sivîlên Elewî hatin qetilkirin.
Em komkujî û êrîşên li dijî Elewîyên li Sûrîyê şermezar dikin.
Di çapemenî û medyaya civakî de tê xuyakirin ku êrîş û komkujî ji alîyê komên tundrew ên îslamî ve li dijî Elewiyên ku li wargehên wek Lazkîye û peravên Sûriyê dijîn pêk tên û di van êrîşan de bi sedan sivîlên Elewî hatin qetilkirin. Bê guman ev êrîşên li ser Elewîyên li Sûrîyê bi awayekî plankirî û bi bername ji navendekê hatiye kirin, armanca êrîşkaran ew e ku civaka Elewîn ku bi sedan sal in li wê xakê dijîn, koçber bikin û komên îslamî yên tundrew li vê herêma stratejîk bi cîh bikin.
Em bang li rêveberî û desthilatdarîya nû ya Şamê dikin ku di zûtirîn dem de pêşî li van êrîşan bigire. Ger li hemberî van êrîşan bêdeng bimîne wê bibe hevpar û berpirsiyarê van êrîş û komkujîyan.
Em wek Yekîtîya Komelên Kurdistanê-Komkar vê hovîtî û êrîşên li dijî Elewîyên li Sûriyê bi tundî şermezar dikin.
Komkar-Yekîtîya Komeleyên Kurdistanê Almanya
10 03.2025