Di roja 22.03.2025 bi Beşdariya Zêdetir ji Sed Hezar Kesan ve Mil BIMIL-DIL BI DIL BO ROJAVAYÊ KURDISTAN li Bajarê Kolnê Hat Pîrozkirin

Cejna Newrozê bi bîst hezar beşdaran dest pê kir û hejmara beşdaran gîhişte li ser sed hezarî. Wek tê zanîn Îsal Newroz li seran serê Kurdistan û her wisa li bajarên Ewrûpa û Emerîkayê bi çoşek mezin, bi dilek germ û bi beşdariyek mezin hate pîrozkirin.

Newroza kolnê ku li jêr duruşma Mil BIMIL-DIL BI DIL BO ROJAVAYÊ KURDISTAN hate li dar xistin.

Rêzgirtin ji bo şehîdên Kurdistanê û bi surûda Ey Reqîp ve şahî hate destpê kirin. Di destpêkê de Peyama Serok Mesûd Barzanî hate pêşkeşkirin û dû re jî serperştiyarê gîştî ya Revenda Kurdistanî li Dîska Baregeha Barzanî, Şîfa Barzanî peyamek pêşkeş kir. Gava Şîfa Barzanî peyamê pêşkeş dikir, ji beşdarên dengê Newrozê dengê ” bijî serok Mesud Barzanî ” hil dibû. Dûra axaftina serokê Konfederasyona Revenda Kurdistanî Îsmaîl Kamil peyamek bi daxwaza yekitî û yekrêziya Kurdistanê hate pêşkeşkirin. Serokê Civata Kurd Mehmet Tanriverdî peyamek dirêj bi almanî pêşkeş kir. Her usa Serokê Şaredariya Kolnê Dr. Ralph Elster jî axaftinek kir cejna Newrozê li gelê kurd pîroz kir û piştgiriya xwe bo gelê kurd nîşan da.

Gelek kes di rîyan da man nekarîbûn ku xwe bigîhînin cîhê Newrozê, ji ber ku ber beşdariyek mezin çê bûbû, trafîk hatibû girtin. 22´ê adar´ê Koln ya Kurdan bû. Bi eşqek û bi coşek mezin ala Kurdistan li her derê ku Kurd lê bûn hebû, hinek di destê wan de, hinek bi seyareyên xwe ve kiribûn û di hejan din. Ala regîn pêl dida, Tava nivêka alê de, bi tijkên xwe bo dewletbûna Kurdistanê dora xwe ronî dikin. Kurdan bi cil û bergên xwe yên kurdî û rengîn Kolnê xemlandibûn.

Duruşma serek ya Newrozê; Mil bi mil dil bi dil bo Rojavayê Kurdistanê bû. Daxwaza beşdarên Newrozê, ji hêzên Kurdistanî ” Yek bin yek deng bin û li Şamê bi hevrabin” û bijî yekitiya Hêzên Kurdistanî li Rojavayê Kurdistanê” bû.

Konfedrasyona Revenda Kurdistanî, Federasyona Komelên Kurdistanî li Almanya, Yekitiya Komeleyên Kurdistan-Komkar li Almanya, Platforma Kurdên Hamburg, Federasyona Revenda Kurdistanî li Almanya ku her çar federasyon Stuna Konfederasyona Revenda Kurdistanî li Almanyayê ne, çi di beşdariya xelkê de çi jî bo ewlewî û aramiya Newrozê, ximetek hêja kirin.

Pêvîste bê gotin ku liqa 6 ya PDK´ê jî bi hemû derfeta xwe endam û hogirên xwe ve beşdarî  kirin û piştgiriyek berbi çav dan Newroza Kolnê. Dîsan Partiyên ku wek PDK-S, PDK-B, PAK-Rojhilat û PSK bi beşdarî kirinê, piştgiriyê li Newroza Kolnê kirin. Şahiya Newrozê li ser navê Konfederasyona Revenda Kurdistanî û Civata Kurd li Almayayê hatibû amadekirin.

Hunermendên wek Şivan Perwer, Ayub Alî, Nazdar Cizîrî, Sherîfo, Hejal Elanê, Emîn Nadir, Alen Hazim, Hanî Mojtahedy, Xebat Dihokî û Azad Feqe, bi stranên gelêrî û şoreşgerî alana Newrozê hejandin. Herî dawî Şivan Perwer derket ser sahnê, ji ber strana Kîmne em ve, hestê netewî ya ciwanan gîhişte li astê bilind usa ku xwe negirtin li sahnê xwe avêtin ser Şivan Perwer. Dilê nifşên nû yên kurd wek volkanê lê dida. Eva nîşa wê ye ku Trêna dewlebûna Kurdistanê bi rê ketiye, nema li ti rawestgeha disekine, îstiqamek dewletbûna Kurdistanê ye!