Çalakiya bi Taşt: Bîranîn û Pêşxistina Pirtûkan li Komeleya KOMKAR a Hamburgê hat lidarxistin

Hamburg – Komela KOMKAR a Hamburgê roja Yekşemê 06.04.2025 saet di 11:00 de li navenda komeleyê çalakiya taştê, bîranîn û danasîna pirtûkan li dar xist. Çalakiya taştê ya ku xwarinên xweş ên ji aliyê endam û alîgirên komeleyê ve li malên wan hatin amadekirin, eleqeyek mezin kişand.

Piştî taştê çalakî bi axaftina Endamê Meclîsa Partiya Sosyalîst a Kurdistanê (PSK) Dogan Kiliç berdewam kir. Kiliç di axaftina xwe de bal kişand ser girîngiya meha Adarê ya gelê Kurd. Di vê çarçoveyê de 8’ê Adarê Roja Jinên Kedkar ên Cîhanê, pêwendiya wê bi Komkujiya Helebce û Jenosîda Enfalê ya 16’ê Adarê, pîrozbahiya Newrozê ya 21’ê Adarê, 30’ê Adarê Roja Bîranîna Şehîdên Kurdistanê û jiyan û têkoşîna welatparêzê Kurd ê hêja Îrfan Yildirim ê ku di encama kirîza 2 Adar231 de jiyana xwe ji dest da, bi berfirehî pêşkêş kir. Yildirim bi rêzgirtinê bal kişand ser cihê wî yê girîng di têkoşîna azadiyê ya gelê Kurd de.

Di beşeke din a girîng a çalakiyê de, pirtûka bi navê “Bîranên Min” “Virardis mi” ku yek ji pakrewanên KOMKAR’ê Suphi Aydin, bi zaravayê Kurmancî yê Kurdî û bi zimanê bavê xwe nivîsandiye, hate nasandin. Pirtûk bi tirkî, kurmancî û zazakî ji aliyê Suphi Aydın ve hatiye nasandin. Aydin, diyar kir ku wî di pirtûka xwe de beşên girîng ên jiyana bavê xwe û agahiyên giranbiha yên li ser çanda kurdî radigihîne.

Piştî pêşkêşiyê Nivîskar Suphi Aydin pirtûkên xwe ji bo kesên beşdarî çalakiyê bûn îmze kir. Çalakî bi kêfxweşiya beşdaran bi dawî bû.